ელექტრო სიგარეტი
მოწევა და ჯანმრთელი ცხოვრება ერთმანეთს ხელს აღარ უშლის – ელექტრო სიგარეტი – სიგარეტის ჭკვიანური ალტერნატივა.
მკვლევარები ამტკიცებენ, რომ გაფრთხილებები ელექტრონული სიგარეტის შესახებ საგანგაშოა და მისი მოხმარების გაზრდას ბევრი სიცოცხლის გადარჩენა შეუძლია.ლონდონის საუნივერსიტეტო კოლეჯის მონაცემებით, მილიონი მწეველიდან, რომლებმაც ჩვეულებრივი სიგარეტი ელექტრონულით ჩაანაცვლეს, 6 000-ზე მეტი სიცოცხლე გადარჩა.ამავდროულად, ლონდონელი ექსპერტების სხვა ჯგუფი ელექტრონული სიგარეტის კრიტიკოსებს საზოგადოების შეცდომაში შეყვანის მცდელობაში ადანაშაულებს.გასულ კვირას, მსოფლიო ჯანდაცვის ორგანიზაციამ ელექტრონული სიგარეტის საზოგადებრივი თავშეყრისა და სამუშაო ადგილებში აკრძალვის ინიციატივა გამოთქვა. ამის მიზეზი ჰაერში გაზრდილი ტოქსინებისა და ნიკოტინის რაოდენობაა. იმავე განცხადების მიხედვით, ელექტრონული სიგარეტი წარმოადგენს რისკს არამწეველებისათვის, რომლებმაც შესაძლოა მისი მოხმარება დაიწყონ.ლონდონის საუნივერსიტეტო კოლეჯის გუნდი კი ამტიცებს, რომ ინგლისში ჩატარებული მწეველთა ყოველთვიური გამოკითხვის შედეგების მიხედვით, არამწეველთა რაოდენობა, რომლებიც ელექტრონულ სიგარეტს მოიხმარენ, მოსახლეობის 1%-ზე ნაკლებია.პროფესორი რობერტ ვესტი აცხადებს, რომ ელექტრონული სიგარეტის ორთქლში ტოქსინების კონცენტრაცია ძალიან დაბალია. „გიჟი უნდა იყო ჩვეულებრივი სიგარეტის მოწევა რომ გააგრძელო, როდესაც ელექტრონული სიარეტი არსეობს“, აცხადებს რობერტ ვესტი. მისი მტკიცებით, კარცეროგენებისა და ტოქსინების კონცენტრაცია ელექტრონული სიგარეტის ორთქლში 1/20-ზე უფრო დაბალია ჩვეულებრივი სიგარეტის კვამლთან შედარებით.ამ გამოთვლების გამოყენებით, ელექტრონული სიგარეტის მოხმარებას ერთი მილიონი მწეველიდან 6 000 მათგანის გადარჩენა შეუძლია წელიწადში. შესაბამისად, 9 მილიონი ბრიტანელი მწეველიდან, რომელთაგანაც 60 000 ნაადრევად იღუპება, 54 000-ს სიცოცხლის შენარჩუნებაა შესაძლებელი.რობერტ ვესტს შეშფოთებას გამოეხმაურა მკვლევართა ჯგუფი ლონდონის კინგს კოლეჯის ბაზაზე არსებული ნაციონალური დამოკიდებულების ცენტრიდან. მათ გაუკეთეს ანალიზი მსოფლიო ჯანდაცვის ორგანიზაციის კვლევებს და დაასკვნეს, რომ ვარაუდებს, რომლებიც გაკეთდა, საზოგადოება შეცდომაში შეჰყავს.